都市日报
女人年過半百，也不是爛茶渣！邵美琪（Maggie）經歷兩段感情失敗，樣貌和事業都一度跌Watt。不過，半年前，她走出雙失的陰霾，不但開始做Facial執靚自己，更自爆有十名型男追求。
據《e+娛樂》報道，擁34D美好身材的邵美琪，早前獲張兆輝夫婦力邀，以三百萬身價擔任美容代言人3年。拍攝廣告當日，提到感情事，邵美琪打破昔日「多謝關心」的例牌回應，反而開心地表示：「多謝佢哋（舊愛）畀我嘅經歷，依家有人追，仲有粉絲向我求婚！」自信心返晒嚟！
這兩年，邵美琪所演的電視劇清一色做二線，就連剛播完的台慶劇《張保仔》都只做大配角，50歲的她與67歲的羅樂林飾演一對。事業不順，今年初邵美琪被指與男友施祖男結束3年情，分手後她變得失魂落魄。
有知情人士向《e+娛樂》爆料，指邵美琪曾諗過同Vinz（施祖男）長久，最後都要分手當然傷心。「有好多朋友想陪佢關心吓佢，佢都唔想出去。直至半年前有個Friend話佢咁落去唔係辦法，做幕前要Keep吓，佢先開始去美容院做Facial。」知情者又說。
痴情fans求婚
日前邵美琪替張兆輝的美容產品拍硬照廣告，她亦承認是近半年才去美容院，「以前覺得後生唔使保養，依家覺得自己靚啲人都會開心啲。最近我出街多人望咗，工作亦都多咗，我都想以一個好嘅狀態去做嘢。」
勤力保養，原因是她已經走出情傷困擾，準備迎接第二春。據知邵美琪近日不抗拒認識不同階層男士，當中包括醫生、律師、設計師等，揀好目標就全情投入。
她日前接受《e+娛樂》訪問，被問到是否正被力追，她表示：「唔好講話拍拖啦，感情嘅嘢好複雜。不過依家都有十個、八個男仔約我去街。我鍾意識朋友，同多啲男仔約會都好嘅。之前仲有一個痴情Fans寫信畀我，叫我嫁畀佢，我梗係唔會啦！」
多謝舊愛
邵美琪自爆多選擇，不過她以往傷得最深的兩段情（鄭伊健及施祖男），男主角同屬圈中人，她會刻意迴避嗎？「我冇刻意去諗，經驗令人成長，要向前望！我依家咁開心，應該多謝佢哋（舊愛）畀我嘅經歷！我依家反而諗：要同多啲男仔約會，最好有個做醫生、有個做律師、有個做警察，有個識做Facial。只要大家一齊開心嘅，唔需要話咁急去揀定。」
感情快有着落，邵美琪連事業也有運行，最近她終於重上一線，在新劇《完美叛侶》做女一，與陳豪做情侶。「監製要我由廿幾歲做到50歲。我開頭冇睇清楚個年紀，到開工試造型嗰時至知大部分時間飾演36歲，仲要飾演廿幾歲。嗰時係有啲擔心，好彩半年前開始去美容院，我覺得皮膚好咗，令我做呢個角色都有信心。」她說。
食藥延更年期
拍攝廣告當日，邵美琪有多個性感造型，露出4吋事業線。《e+娛樂》記者讚她上圍有睇頭，問她是否加多幾個墊托胸，她充滿自信地說：「我有帶多兩個Nude Bra嚟，不過冇用到，唔信你可以摸吓！健康緊要過身材，冇健康，有幾靚嘅身材都冇用啦！」
女人五十歲後，好快就到更年期。問她到更年期未？她尷尬地說：「幾時係更年期？我食緊啲營養補充劑，希望延後更年期。同時要乖啲戒吓口，戒吓飲凍嘢、戒吓鹹嘢，其實保持心境開朗係最緊要。我戒煙就由00年開始，嗰時食薄荷煙扮有型，忽然有一日我覺得煙仔臭，就咁戒咗囉！」有身材，又識得保養，難怪邵美琪有信心，自言唔急於搵第二春。
邵美琪樣靚身材正，對於有一眾追求者，佢笑說：「朋友係多咗！」
拍攝出事拍攝期間，影樓燈突然塌下，攝影師即衝上前救駕
早前邵美琪亮相內地節目時，溫兆倫扮粉絲（右）跟她合照，之後兩人還重演《我本善良》其中一幕。溫兆倫大讚Maggie：「你是最棒的！」
換上一套Deep V晚裝的邵美琪，露出激罕4吋事業線，好養眼！
張兆輝與太太花不少心機替邵美琪回復靚樣，張兆輝說：「Maggie本身係一個靚女，簽佢三年係想大家睇到佢逐漸變靚。」
邵美琪自言是Snoopy迷，一見到餐廳的裝潢就忍不住四圍影相。
睇書兼醫肚本周二（27日），邵美琪趁新劇開鏡拜神前做Facial，之後便到餐廳醫肚，還順手看一會散文。
邵美琪同韓星朴敏英主演的內地劇《錦衣夜行》7月在內地播出，邵美琪飾演老皇后，要扮老，難得佢亦唔介意。
歐耀興（小圖）新紮職當上監製，即指定搵邵美琪做新劇《完美叛侶》的女主角，角色由廿幾演到五十。歐表示：「Maggie完全可以應付呢個角色，佢同陳豪係Perfect Match。」
繼《天與地》後，陳豪再與邵美琪合作，陳豪話：「Maggie真係靚咗，證明佢嘅努力冇白費。」
| 
IP卡
狗仔卡
发表于 2015-10-29 00:16:01
提升卡
置顶卡
沉默卡
喧嚣卡
变色卡
显身卡
发表于 2015-10-29 15:58:33
发表于 2015-10-29 20:25:48
楼主
