同陳豪關係惡劣 邵美琪遭追殺狂毆（《完美叛侶》拍攝）

peace

2015-12-03【on.cc東網專訊】
無綫藝人陳豪和邵美琪（Maggie）晚上現身九龍塘，為新劇《完美叛侶》拍攝街頭追逐戲份，劇情講述，Maggie疑遭某人追殺，被笠麻包袋狂毆之餘，後更遇上車禍被撞飛，認真慘情，她笑言：「如果係真實嘅都幾傷。」並謂雖然戲中不多動作場面，但有些驚險情節出現好得意，甚少運動的Maggie笑說：「我已經叫導演盡量跑少啲，我怕頂唔順，啱啱都跑咗啲，事前熱身都幾緊要，如果凍會易傷啲，個人身體暖啲會好啲，啱啱都食咗個飯盒。（平日練開體能？）冇㗎，接到劇本嘅時候係冇呢個項目，拍拍吓先寫到，希望手下留情啦。（搵笨？）唔係，有啲驚喜位都幾好。」現場所見，幸部份動作戲交給替身代勞。

唔驚夫妻感情變淡

劇中，飾演夫妻的兩人關係惡劣，扮演律師的陳豪由窮變有錢，不斷工作為太太提供最好的生活，豈料，對方卻感情變淡「紅杏出牆」，陳豪說：「以前幾抗拒跳得幾開嘅角色，呢套戲講好多婚姻問題、一啲幾平淡嘅嘢，但不時加插啲動感場面、驚嚇、唔同爭拗，為套劇加添觀感上嘅刺激度。」現實中，會否擔心夫妻感情變淡？密密開工搵銀的他說：「唔驚，夫妻相處之道要好好學習、點樣維持關係，除咗湊小朋友外，重要抽番時間同老婆維繫關係，點樣過番二人世界、做返拍拖嘢，係鞏固兩夫妻關係，要時時諒解、耐性、溝通，我諗呢個係最需要做嘅嘢。」

首要搵錢

陳豪又坦言長時間拍劇有點攰，亦辛苦太太全程湊小朋友，收工回家自己也會幫吓手，說：「希望自己保養吓啦，坦白講，我都佩服三哥，我都要向佢學習，要問佢攞啲貼士點保養得咁青春。（搵美容代言？）咁我自己都好懶、唔係好理，所以儀容上冇三哥Keep得咁好，但做得呢行要好好學習。（太太冇幫你護膚？）有呀，佢成日叫我敷Mask、乜都叫我做，係我自己懶啫。」並謂拍畢這場煞科戲後，可休息至二月才開拍新劇，會否趁假期帶囝囝去旅行？他說：「睇吓點先啦。（留港搵外快？）兩樣都要，帶佢哋出去玩吓、唞吓，搵錢就更加要啦，呢個係首要。」                                                

maggie661114

哇 ~超期待這部戲~