|
家計會負責處理家庭或感情糾紛的部門，其最大競爭對手，叫麥玲玲。
巧合地，他們都認為自己是專業。
應該信邊個？
少女、師奶、阿姑、阿嬸、婆婆，應該會選擇麥玲玲。
麥玲玲不是魔術師，不會死都拗番生，不會揮一揮棒，就把花心男人變成專一郎，有的都是你和我都有、飯來張口那一張嘴，她叫女人信男人不如信自己。
那個「自己」，是你自己也是她自己。
因為她有辦妳睇。
當一個人成功，他的說話，就是金句，比上帝的《聖經》更有說服力。
91年前，她說自己是個普通女人，讀完書，在律師樓做秘書，收入穩定，無風無浪，也寂寂無聞，一顆悸動的心驅使下，努力鑽研堪輿玄學，拜入林真師門，豁出去，終於有自己一片天空。
今日家住千尺無敵維景半山豪宅，保時捷、寶馬、平治靚車唔切，有跨國事業，婚姻關係如意，回首前塵，我們看，是她奮力圖強後的成果，但更多人信她懂趨吉避凶，算得準。
識得自己搵錢，又識得俾空間老公，這樣一個女人說的話，點只女人信，男人都想知，邊度搵到這樣的女人。
女人、男人一網打盡，試問家計會內那些辛苦讀多年書，仍然只在一張四呎寫字檯前營營役役工作的專業人士，怎樣和她競爭？
信自己
大部分女人搵麥玲玲，問的都是感情姻緣事。
女人眼淺，所以其辦公室長期有大量紙巾供應以備不時之需。
雖然身為堪輿師傅，麥玲玲都是女人，她也了解女人唔易做，不管是天命抑或社會傳統使然，女人都處於弱勢，其幸福彷彿操控在別人手上，聽天由命。
麥玲玲叫姊妹們「應當信自己」。
「14、15歲時，當同年紀的人都掛住迷偶像、暗戀男同學時候，我已經埋首睇風水學書鑽研命理，可能其他人覺得我古古怪怪，但我知自己興趣係乜，試過有一個前輩睇過我，話我將來一定係行家。
「之後我跟林真師傅學玄學，雖然唔算係入室弟子，但總叫師承大師真傳，不過讀完書都覺得要搵番份穩定工作，所以我去律師樓度做，公餘先至幫人睇面相，不過直到99年我都係以風水命理為興趣當賺外快，不敢輕易轉變。
「不過我諗，既然自己有一班熟客朋友支持，何不全身投入更上一層樓？所以當老友李丞責搵我頂替主持節目陣，我就把握機會表現自己，證明女人講風水命理一樣頭頭是道，甚至可以更加出色。
「我份人好信命，但更加信自己，只要上天安排一個機會，我就會全力以赴做到最好，所謂盡人事，應天命，凡事盡力而為，結果如何上天自有安排，與其聽天由命，倒不如自己先行出第一步。
「我承認自己好無安全感，可能同我好細個媽媽已經患癌離開、爸爸又忙於工作有關，明白要有安全感就要靠自己，我家搏命做其實是俾自己安全感，賺錢可以傍身，工作獲認同亦帶俾自己成就和滿足感，一切都係自己掌握之內，進退有據。
「無錯，我係有理想收入和財富，可以住大屋靚車，不過並非不斷追求物質享受，足夠所需便已心滿意足，反而我更追求事業背後帶俾我成功感。能夠透過我專長風水命理幫到垂頭喪氣滿懷心事客人，充滿希望地笑住離開，才是我存在的價值。」
事業運
多年努力經營，現在要數坊間人氣女堪輿命理學家，麥玲玲敢認第二無人敢認第一，短短三、四年間知名度大增，從雜誌專欄、大型廣告板以至風水運程電視節目，都可見到她的蹤影，與其說她一生人行貴人運兼好彩，倒不如說她懂得學以自用，識得為自已算命。
「自從前年內地實施自由行後，好多內地客專程慕名而來搵我睇相算命，初時我以為只係一陣熱潮，點知愈睇愈多，睇到開始返上大陸幫人睇樓盤，最近仲連續幾次幫手睇08奧運村風水，真係以前諗都未諗過。
「以前自己好少返大陸做，最主要原因是人生路不熟，更加上人身安全問題，所以有驚，不過自從我搵個信得過朋友幫我篩選客人，查過晒背景冇問題後我就放心北上，結果近一年我有三份一時間係返大陸做。
「家大陸市場有深圳公司睇住，總之一有job我就上去，去廣東省最多，溫州、上海都有，每單酬金收至少十幾萬以上，而且九成收足數，所以發展好穩定，可以話係我事業另一個新階段，我亦會好好把握呢個機會。
「通常我唔係以酬金多少做指標，而係希望借返大陸工作開拓更廣人脈網絡，幫助自己日後發展，有時錢真係賺唔晒，反而識到內地一班好朋友仲有獲益，中國地大物博，人才多，真係大開眼界。」 | 
IP卡
狗仔卡
发表于 2006-5-25 04:53:04
提升卡
置顶卡
沉默卡
喧嚣卡
变色卡
显身卡
楼主
发表于 2006-5-25 20:29:29
