陳婉婷喊得出全靠邵美琪

peace

2016-01-15  《東方日報》

無綫藝人陳婉婷（Hebe）早前在劇集《刀下留人》擔正頗重戲份，演戲經驗尚淺的她，幸得前輩邵美琪教路，令她順利完成拍攝。談到未來的目標，Hebe希望能獲得獎項提名，更想學偶像佘詩曼，做感染力強的演員！

早前陳婉婷憑處境劇《愛‧回家》而為人認識，之後工作一浪接一浪，更有份參演劇集《刀下留人》。演戲經驗不多的Hebe，在劇中飾演邵美琪（Maggie）的侍婢，更獲得Maggie從旁提點，獲益良多：「作為新人，好開心有前輩提點我，畀意見我做得更好。今次同Maggie有好多對手戲，佢好照顧我，就算鏡頭影唔到佢，佢都企喺度等我容易啲入戲。最印象深刻係我有一場喊戲，我好驚喊唔出，但Maggie陪我傾偈，等我進入情緒，我先可以順利拍完呢一幕。」

抱B好牙煙
毫無湊B經驗的Hebe，劇中要照顧初生嬰兒，為此她特意上育兒班，但拍劇時仍不斷出現「蝦碌」情況：「一開始未熟習抱BB姿勢，試過抱得唔穩，仲差啲跌，真係好牙煙！仲有同BB拍劇會有控制唔到嘅事發生，佢哋會唔定時喊或者瞓覺，所以成日要等佢哋先有得拍劇，都幾搞笑。（會唔會因為咁嚇怕唔想生？）咁又唔會，因為我好鍾意小朋友，未來會想生一、兩個！」

向阿佘學習
入行超過五年的Hebe，從未獲得台慶的任何獎項提名，她寄望今年能得到提名，並視偶像佘詩曼為奮鬥目標：「有提名係鼓勵，所以我會繼續努力，希望可以演到個觀眾認同嘅好角色，終極目標係想學佘詩曼，做一個感染力強、演咩似咩嘅演員！」




陳婉婷（右）多謝邵美琪從旁指導，獲益良多。

peace

Maggie真是好照顧後輩。

雪玳芭

Maggie真是人品好到爆