|
|
螢光幕上的黃德斌，角色不是嚴嚴肅肅、不苟言笑，就是陰暗深沉，單是《刀下留人》中的那個劊子手「常綠」，便已經夠晒沉重。
「係囉！劊子手不嬲畀人嘅印象都係好肥、成面鬍鬚、心口有執毛o架嘛，但我又唔係咁，可能編審見我成日都黑口黑面啩—呢句我自己講嘅，哈哈哈！」
正如很多笑匠私底下為人，通常都比較認真肅穆一樣，向來演慣cool爆角色的他，查實只要啱嘴型、熟絡了，他本來就是個這樣輕鬆生鬼、說話語氣招招積積的人。
所以，跟他相隔兩年沒見，我會問候一下他那六嚿腹肌是否仍健在。
「佢哋好團結！成日都六嚿變一嚿！哈哈哈！其實都仲有啲嘅，爛船都有三分釘嘅！」
所以，這個訪問，我們傾談得更多的，反而是踩單車和跑步。
「我啲單車友之前成到團去台灣踩，咁啱套劇（《刀下留人》）就話出街；最近佢哋又會去澳洲，我又啱啱要開工（新劇《致命復活》），真係慘到呢！」
痛苦
《刀下留人》口碑載道，黃德斌說，「常綠」這個角色確實不易做。
「編審最初寫呢個古仔，已經諗住由我同邵美琪做，我諗佢係想搵啲感覺有經歷嘅演員啦，因為呢個人（『常綠』）背負住太多嘢啦！由佢做劊子手開始，佢嘅一生都已經係悲劇！最慘係佢唔係天生殺人狂，又唔可以有感情——但人唔可能冇感情o架嘛！跟住佢仲要對Maggie（邵美琪飾演的穩婆『花蕊紅』）動咗情，你諗吓，佢最後要親自斬Maggie嗰吓有幾痛苦？斬完之後又有幾痛苦？佢又冇得自殺！簡直生不如死呀！所以佢日常舉止同反應都好唔尋常，係我演過咁多角色之中，痛苦到最極致嘅一個！好大挑戰！」
角色悲慘沉鬱之餘，又要經常拍攝行刑場面，令他對此劇印象深刻。「最記得有場戲講凌遲，即係要逐忽肉割落嚟，例如判三千刀，咁個劊子手就要割到個犯第三千刀先死得，如果之前嗰二千九百九十九刀個犯死咗，個劊子手都要死，所以個劊子手仲慘過個犯！好大鑊！你話咁樣嘅一個角色、一套戲，點樣會唔記得呀？拍緊嗰段時間，搞到我自己都想屎（死）呀！
「最攞命係我拍完呢套劇之後，仲要停咗一陣先開工，個心係咁屈住屈住，咪惟有去踩單車囉，踩上去飛鵝山，一腳到尾，唔可以停喎！你話咁樣仲可以諗乜嘢呀？」
德斌說，他很喜歡《刀下留人》中，一場跟邵美琪討論如何死的戲。「講到尾，『常綠』同佢講：『你死嘅時候，我會喺你身邊！』好淒美、好浪漫！」
|
|
IP卡
狗仔卡
发表于 2016-1-17 22:11:23
提升卡
置顶卡
沉默卡
喧嚣卡
变色卡
显身卡
发表于 2016-1-19 19:02:27
楼主