|
http://www.hkheadline.com/ent/ent_content.asp?contid=21162&srctype=n 與邵美琪爭寵 指揮導演 黎姿拍劇惡晒 由「金牌監製」戚其義飛的無綫重頭劇《珠光寶氣》，開拍至今是非不絕，扮大牌、爭寵、爭戲份等新聞層出不窮，儼如現代版《金枝慾孽》﹔而遲大到都有高層出面力撐的黎姿，更是變本加厲，除要全體演員呆等她補完靚妝才埋位外，更因為「阿姐」嫌鏡頭拍得唔夠靚而要重拍再重拍，真係佢惡晒。採訪、攝影﹕張詠森、張育偉 深得高層、監製歡心的黎姿，日前在跑馬地街頭為《珠光寶氣》拍攝外景，同場還有被黎姿視為「家姐」的邵美琪、關禮傑和黃德斌，劇情講述報販關禮傑為追求千金小姐黎姿，不惜找來有錢好友黃德斌借出靚車兼當司機，首次約會，打扮嬌俏的黎姿更拖埋好姊妹邵美琪赴會。 大褸包身 怕被睇蝕 由於拍攝地點在街巿對面，故吸引大批途人圍觀，只見打扮密實的黎姿一臉慌張，每拍完一個鏡頭，都即時叫助手件大褸遮掩全身，驚死俾人睇蝕。 埋位前，黎姿與邵美琪即使企埋一齊都無偈傾，黎姿更粒聲唔出，自顧自低頭玩手指，懶理身旁的邵美琪，兩位好戲「姐仔」互不相干，但當正式開機拍攝時，二人即時挽住手，狀甚老友，變面伎倆出神入化，實在佩服。 黎姿緊張 邵美琪冷笑 現場所見，眼袋、黑眼圈現晒形的黎姿，每次發現記者鏡頭對覑她，必轉身迴避，然後衝上保母車補妝，誓要執靚個樣先肯埋位見人，令其他演員在街上呆等。 拍攝至尾聲，黎姿突然以「拍得唔靚」為由，要求導演重拍，令身旁的邵美琪忍不住冷笑兩聲，隨即埋位拍攝，可惜連拍三Take「阿姐」都唔滿意，令關禮傑不禁黑起口面，為求息事寧人，導演轉位拍攝，亦因為這樣而令拍攝進度受阻，最後遲足成粒鐘才收工。 
埋位前無偈傾 ■埋位前，黎姿與邵美琪互當透明，埋位後即笑口噬噬、Friend過打Band（小圖），呢鱓咪叫戲囉。 --- 
埋位後好姊妺 --- 
阿姐擺款 ■臨收工的黎姿，睇完Play back後，以「拍得唔靚」為由，要求重拍，令邵美琪（紅圈）忍不住偷笑，原來阿姐真係可以惡晒。 --- 
■重拍再重拍，黎姿都唔滿意，令關禮傑（右）不禁黑起口面，難怪邵美琪（左）都笑得好勉強。 --- 
勢不兩立 ■黎姿（左圖）片場獨大，一句「拍得唔靚」就要開ＯＴ，令關禮傑（右圖）扁晒嘴，以示不滿。 --- 
--- 
--- 
---
| 
IP卡
狗仔卡
发表于 2007-3-1 06:25:00
提升卡
置顶卡
沉默卡
喧嚣卡
变色卡
显身卡
楼主
发表于 2007-3-1 08:00:55
发表于 2007-3-1 08:55:30
吧～
也符合豪门的标准。于是黎姿最后嫁给了他，但是婚后感情生活不如意......
发表于 2007-3-1 12:22:46
