[忽然一周 No.616] 古惑佬之南洋十大算術 鄭浩南

mimi

[忽然一周 No.616] 古惑佬之南洋十大算術 鄭浩南

每 年 ， 總 會 見 鄭 浩 南 一 次 。 前 年 ， 是 亞 視 劇 集 《 我 和 殭 屍 有 個 約 會 Ⅲ 》 ， 去 年 是 《 黑 社 會 Ⅱ 以 和 為 貴 》 ， 今 年 ， 是 《 降 頭 》 。 殭 屍 、 黑 社 會 、 降 頭 。 要 幾 邪 有 幾 邪 。 再 邪 ， 都 邪 不 過 他 早 年 拍 落 的 三 級 片 《 孽 慾 追 擊 檔 案 之 邪 殺 》 。 靚 仔 小 生 出 身 ， 淪 為 三 級 慾 男 ， 他 既 然 能 在 最 好 的 年 代 做 最 壞 的 事 ， 今 時 今 日 的 鄭 浩 南 ， 又 何 須 強 調 浩 氣 長 存 ？ 「 拍 戲 係 為 keep 住 知 名 度 ， 對 馬 來 西 亞 盤 生 意 好 有 幫 助 。 」 明 買 明 賣 、 互 惠 互 利 ， 誰 都 沒 有 欠 誰 。 他 已 在 馬 來 西 亞 落 地 生 根 ， 開 了 六 家 火 鍋 店 ， 今 年 準 備 進 軍 新 加 坡 和 泰 國 。 你 儘 管 不 屑 他 選 擇 的 另 類 電 影 ， 他 滿 腹 密 計 。 「 我 係 最 叻 市 場 學 家 ！ 」 鄭 浩 南 自 誇 。 盤 算 火 鍋 生 意 、 計 劃 女 兒 成 長 、 籌 備 打 荷 李 活 市 場 。 港 產 片 ， 只 佔 他 版 圖 的 小 角 。 難 怪 《 黑 社 會 Ⅱ 》 那 個 有 錢 才 肯 劈 友 的 殺 手 如 此 搶 鏡 ， 根 本 就 是 鄭 浩 南 寫 照 。 「 我 唔 係 市 儈 ， 只 係 現 實 。 」 曾 敗 在 「 陳 浩 南 」 手 上 的 鄭 浩 南 ， 醒 過 鄭 伊 健 好 多 。 我 都 純 情 過 新 戲 講 降 頭 ， 開 宗 名 義 怪 力 亂 神 。 「 又 係 暴 力 ＋ 核 突 ＋ 血 腥         。 」 鄭 浩 南 說 。 「 香 港 拍 戲 係 咁 啦 ， 一 部 戲 一 定 要 有 好 多 元 素 ， 先 滿 足 到 市 場 。 鬼 唔 想 淨 係 談 情 說 愛 ， 如 果 唔 係 譚 家 明 都 唔 使 停 咁 耐 啦 ！ 」 近 年 ， 鄭 浩 南 的 戲 次 次 見 血 收 場 ， 他 也 樂 於 斬 斬 斬 劈 劈 劈 。 「 搵 錢 ， 人 始 終 要 生 存 。 觀 眾 驚 我 ， 代 表 我 成 功 ， 如 果 連 我 自 己 都 縮 沙 ， 就 好 戇 居 。 「 我 以 前 都 純 情 過 好 多 年 ， 不 過 大 家 唔 記 得 之 嘛 。 」 八 五 年 ， 二 十 歲 ， 鄭 浩 南 從 加 拿 大 放 暑 假 回 來 ， 一 身 陽 光 氣 息 與 健 碩 肌 肉 被 新 藝 城 發 掘 ， 與 葉 蒨 文 演 《 愛 神 一 號 》 。 第 一 部 戲 便 做 男 主 角 ， 還 提 名 金 獎 像 最 佳 新 演 員 。 當 時 角 逐 的 還 有 楊 紫 瓊 和 樓 南 光 ， 最 後 都 敗 給 《 女 人 風 情 畫 》 的 陳 婉 麗 。 拿 獎 的 不 見 了 ， 沒 拿 到 的 卻 行 運 一 條 龍 ， 金 像 獎 的 命 數 ， 向 來 如 此 。 鄭 浩 南 之 後 拍 的 戲 都 收 得 ， 《 開 心 鬼 放 暑 假 》 、 《 刀 馬 旦 》 、 《 橫 財 三 千 萬 》 、 《 呷 醋 大 丈 夫 》 ， 對 手 是 鍾 楚 紅 林 青 霞 。 「 入 行 五 年 就 拍 廿 幾 部 戲 ， 我 成 世 人 第 一 份 工 咋 ， 以 為 新 藝 城 係 迪 士 尼 。 」 鄭 浩 南 被 捧 到 上 天 ， 與 當 時 女 友 柏 安 妮 是 影 圈 灸 手 可 熱 的 金 童 玉 女 。 這 樣 的 日 子 維 持 了 五 年 ， 新 藝 城 九 一 年 結 業 ， 鄭 浩 南 隨 即 轉 營 。 第 一 部 「 踩 界 」 電 影 ， 是 《 香 港 舞 男 》 ， 做 「 鴨 」 。 「 時 勝 利 昏 頭 腦 ， 拍 笑 片 拍 到 悶 ， 好 想 懶 勁 咁 嘗 試 其 他 類 型 。 我 四 肢 發 達 ， 頭 腦 簡 單 ， 以 為 外 面 世 界 都 係 咁 純 情 。 」 大 家 都 係 搵 錢 電 影 實 施 三 級 制 ， 鄭 浩 南 不 知 不 覺 行 了 一 條 不 歸 路 。 之 後 找 他 的 都 是 掛 羊 頭 賣 狗 肉 的 情 慾 電 影 ： 《 滿 清 十 大 酷 刑 之 赤 裸 凌 遲 》 、 《 香 港 奇 案 之 ** 》 、 《 獸 性 新 人 類 之 失 憶 性 行 為 》 … … 大 同 小 異 的 戲 名 ， 大 同 小 異 的 劇 情 ， 對 手 變 了 甄 楚 倩 顏 仟 汶 。 「 最 初 都 有 講 理 想 ， 成 日 安 慰 自 己 ： 『 都 係 劇 情 需 要 ， 我 都 係 演 員 ！ 」 需 乜 鬼 要 ？ 個 個 都 係 為 色 情 而 色 情 。 我 所 謂 『 理 想 』 ， 做 人     賺 錢 工 具 。 」 導 演 推 波 助 瀾 ， 鄭 浩 南 愈 剝 愈 多 。 從 前 的 陽 光 男 孩 變 了 變 態 慾 男 ， 觀 眾 開 始 帶 有 色 眼 鏡 看 他 。 「 我 高 估 香 港 觀 眾 水 平 ， 佢 會 將 你 定 死 一 個 位 。 邊 個 演 員 無 過 去 ？ Brad Pitt （ 畢 彼 特 ） 《 Thelma & Louise 》 （ 《 末 路 狂 花 》 ） 入 面 都 係 做 個 又 滾 女 又 呃 錢 無 賴 啦 。 」 拍 到 後 期 ， 都 麻 木 了 。 「 大 家 都 係 搵 錢 ， 唔 爭 在 我 。 」 這 樣 想 ， 反 而 心 安 理 得 。 心 安 理 得 到 ， 被 開 到 荼 糜 的 老 翻 「 浩 南 」 鄭 伊 健 打 到 爆 缸 （ 《 98 古 惑 仔 之 龍 爭 虎 鬥 》 ） ， 都 毫 無 怨 言 。 這 本 來 沒 有 甚 麼 大 不 了 ， 但 當 大 家 知 道 手 瓜 起 的 鄭 浩 南 ， 是 棒 球 網 球 高 球 的 高 手 ， 第 一 任 太 太 大 島 由 加 利 又 是 空 手 道 冠 軍 ， 不 禁 替 他 欷 歔 。 「 俾 人 打 ， 又 唔 使 剝 衫 。 都 咁 多 年 ， 電 影 圈 要 死 人 已 經 死 ， 我 死 極 死 唔 去 ， 都 好 好 啦 ！ 」 火 鍋 有 價 經 一 事 長 一 智 ， 三 十 出 頭 的 鄭 浩 南 不 再 頭 腦 簡 單 。 之 前 婚 姻 失 敗 ， 皆 因 與 大 島 由 加 利 聚 少 離 多 。 此 時 認 識 了 現 任 太 太 ， 對 方 為 馬 來 西 亞 人 ， 他 終 於 意 識 到 要 為 家 庭 打 算 。 「 電 影 俾 我 好 多 希 望 ， 亦 俾 我 好 多 失 望 ， 再 靠 佢 維 生 一 定 死 。 香 港 地 小 人 多 ， 好 難 發 圍 。 馬 來 西 亞 唔 同 ， 治 安 雖 然 無 香 港 好 ， 但 商 機 大 。 」 太 太 帶 他 去 吉 隆 坡 最 著 名 的 火 鍋 店 ， 鄭 浩 南 鬧 得 到 狗 血 淋 頭 。 「 佢 叫 做 『 生 鍋 』 ， 其 實 係 死 屍 爛 肉 ！ 無 牛 無 羊 無 豬 ， 淨 係 得 雞 ， 蝦 蟹 都 係 雪 藏 ， 湯 底 只 係 一 盆 滾 水 加 兩 片 薑 同 兩 條 ， 仲 同 我 講 話 係 『 正 』 … … 我 當 時 諗 ， 香 港 求 其 一 家 火 鍋 店 開 響 馬 來 西 亞 ， 都 可 以 發 達 。 」 鄭 浩 南 嗒 威 士 忌 ， 口 從 鬱 鬱 不 得 志 的 電 影 中 生 ， 變 了 財 大 氣 粗 的 老 闆 。 「 我 生 意 ， 可 以 話 非 常 成 功 ！ 」 鄭 浩 南 一 面 得 戚 ， 非 常 「 大 佬 」 。 也 難 怪 ， 三 年 前 開 始 經 營 第 一 間 火 鍋 店 ， 現 在 已 有 六 間 分 店 ， 年 底 增 至 九 間 。 他 的 生 意 已 成 了 特 許 經 營 。 「 好 多 人 學 我 ， 但 都 執 晒 。 我 有 二 十 幾 種 湯 底 ， 邊 抄 得 咁 多 ？ 」 講 到 尾 ， 其 實 是 明 星 效 應 。 「 鄭 浩 南 」 三 個 字 ， 在 東 南 亞 依 然 有 價 。 「 近 年 雖 然 多 台 灣 劇 ， 但 香 港 明 星 一 樣 好 吃 香 。 」 不 再 色 情 所 以 ， 鄭 浩 南 每 隔 一 段 日 子 就 會 回 香 港 拍 戲 ， 這 樣 ， 這 位 馬 來 西 亞 女 婿 永 遠 都 是 「 香 港 明 星 」 。 「 我 認 ， 間 中 拍 下 港 產 片 ， 又 唔 使 花 好 多 時 間 ， 對 生 意 好 有 幫 助 。 當 然 ， 會 睇 邊 個 導 演 先 拍 ， 以 前 『 坤 』 過 我 ， 就 無 謂 再 合 作 喇 ！ 」 電 影 中 的 小 嘍 ， 現 實 是 頭 腦 精 明 ， 精 於 計 算 的 生 意 人 。 「 就 係 因 為 以 前 太 蠢 ， 乜 都 唔 識 計 ， 人 叫 我 做 乜 就 做 乜 。 依 家 識 打 算 ， 個 女 生 活 ， 我 已 經 幫 佢 plan 到 廿 四 歲 … … 」 女 兒 鄭 喜 文 ， 現 在 不 過 歲 半 ， 鄭 浩 南 已 有 全 盤 計 劃 。 「 佢 幾 時 識 講 ， 幾 時 可 以 唔 『 夾 』 尿 片 覺 ， 我 都 計 到 。 呢 個 世 界 有 育 嬰 指 南 ， 我 睇 好 多 書 。 「 一 定 俾 佢 讀 國 際 學 校 ， grade 5 度 啦 ， 送 佢 返 加 拿 大 。 「 依 家 好 多 父 母 鍾 意 俾 細 路 仔 學 golf ， 都     ， 中 國 人 打 golf 邊 得 ？ 出 名 都 係 韓 國 妹 。 我 會 投 資 佢 打 tennis ， 呢 項 運 動 中 國 上 緊 位 ， 世 界 排 名 前 四 十 已 經 有 鄭 潔 、 李 娜 、 晏 紫 … … 」 鄭 浩 南 眉 飛 色 舞 。 「 以 前 鍾 意 仔 ， 依 家 鍾 意 女 ， 女 仔 易 湊 ， 可 以 攬 住 佢 錫 到 『 珠 珠 』 聲 。 到 佢 十 五 、 六 歲 ， 我 都 重 可 以 拍 拍 大 髀 ： 『 過 坐 爸 爸 度 ！ 』 哈 ！ 哈 ！ 出 年 諗 住 生 多 個 ， 都 係 想 生 女 。 」 鄭 浩 南 近 年 生 活 愜 意 ， 生 意 上 了 軌 道 ， 一 星 期 游 六 次 水 、 做 三 次 gym ， 打 兩 次 golf 。 四 十 二 歲 的 他 穿 五 十 號 西 裝 ， 腰 圍 keep 住 三 十 。 凡 事 大 情 大 性 ， 導 演 依 然 可 以 叫 他 行 就 行 死 就 死 。 唯 一 不 再 拍 色 情 片 ， 怕 女 兒 尷 尬 。 「 《 黑 社 會 Ⅱ 》 我 係 劈 友 ， 但 呢 個 殺 手 係 好 人     ， 佢 將 人 斬 手 斬 腳 之 嘛 ， 又 無 命 ！ 今 次 部 《 降 頭 》 ， 我 同 Maggie （ 邵 美 琪 ） 感 情 戲 ， 都 交 代 得 好 好 。 」 以 前 的 《 乜 乜 乜 之 乜 乜 乜 》 ， 又 點 ？ 鄭 浩 南 很 認 真 地 想 了 想 。 「 我 會 同 個 女 講 ， 爸 爸 係 演 員 ， 而 且 重 係 一 個 好 好 演 員 。 」 去 年 拍 了 荷 李 活 電 影 《 Rouge 》 ， 與 李 連 杰 、 尊 龍 合 作 ， 今 年 九 月 上 畫 。 「 如 果 荷 李 活 邊 行 得 通 ， 一 定 會 過 去 。 對 演 戲 我 重 有 追 求 ， 但 追 都 唔 香 港 追 啦 ， 話 ？ 」 二 鍋 頭 鄭 浩 南 的 家 人 在 加 拿 大 和 馬 來 西 亞 ， 每 次 回 港 都 住 酒 店 。 今 次 回 來 ， 受 「 黃 金 周 」 影 響 ， 房 間 貴 了 幾 倍 。 「 我 住 開 尖 沙 嘴 新 世 界 ， 以 前 都 係 千 零 蚊 一 晚 ， 今 次 要 四 、 五 千 ！ 癡 線 ， 咁 即 係 住 搶 ， 遊 客 見 到 都 肉 酸 啦 ， 香 港 政 府 應 該 做 番     管 制 … … 「 我 以 後 知 喇 ， 再 遇 上 大 時 大 節 ， 就 住 珠 海 朋 友 屋 企 ， 佢 可 以 陪 我 打 golf ， 我 要 做 先 搭 船 落 。 」 甚 麼 都 計 清 楚 的 鄭 浩 南 ， 唯 一 不 計 ， 是 飲 酒 — — 我 最 初 以 為 。 「 Johnny Walker Blue Label 幾 好 ， 但 我 最 鍾 意 都 係 二 鍋 頭 ， 似 我 ， 外 表 無 乜 ， 飲 落 就 知 勁 ， 唔 係 個 個 受 得 。 又 夠 平 ， 幾 蚊 紅 星 牌 ， 都 好 飲 。 」 三 句 不 離 本 行 。

shaw_mag

有趣！有趣！

好爸爸一個。

gracecho

開心鬼放暑假有他?我只記得袁洁鎣,當時看了好幾遍,很搞笑.後來再回顧原來有羅美薇的.